-Хайр гэдэг нь таны бодлоор юу вэ? -/Бодлогошров/ Гоё зүйл шүү дээ. Амьдралын нэг чухал зүйл нь хайр гэж боддог. -Хэдэн нас хүртлээ балетаараа явах вэ. Ойрын төлөвлөгөө? -Дөчин нас хүртлээ бүжиглэнэ. Бүжиглэхээ больвол энэ чиглэлээрээ цаашид ажиллана гэж бодож байна. Монголын балетыг дэлхийн дахинд гаргахын төлөө л ажиллана. -Их л "номын " хүүхэд байсан болов уу гэж харагддаг? -Сахилгагүй хүүхэд байсан. Номын гэдэг үг тохирохгүй ээ. Их хөдөлгөөнтэй хүүхэд байсан. -Охидуудаас хэр их захидал авч байсан бэ? -Захидал авч байгаагүй шүү. -Ах эгч нараас чинь танаас өөр урлагийн хүн бий юу? - Байсан. Хөгжимчин бас  бүжигчин. -Хэр халамжтай вэ. Гарын хоол тань ямар хоол байдаг вэ? -Шөлтэй хоол хийх дуртай чөлөөт цагаараа гэртээ амрахдаа шөлтэй хоол хийдэг. -Одоо болох тоглолтоо хүүхэд багачууд болон ахмад настанууддаа хямдрал үзүүлж бэлэг барьж байгаа? -Сонгодог урлагийг хүн бүр үзэж мэдрэх ёстой. Үүнээс биш ахмад настан, хүүхдүүд энэ урлагаас хол байх ёсгүй. Би ч мөн адил хүүхэд байхдаа л энэ урлагийн амтанд орсон. Тэгэхээр гэртээ суудаг ахмад настан хүүхдүүдийг ч мөн адил үзэж сонирхоосой гэж бодсон.