Гадаад харилцааны яамны хурлын танхимд Дотоод хэргийн их сургуулиас “Үндэстэн дамнасан зохион байгуулалттай гэмт хэрэгтэй тэмцэхэд тулгамдаж буй асуудал” сэдэвт олон улсын эрдэм шинжилгээний хурал зохион байгуулах гэж байна. Уг хуралд Монгол Улсын Ерөнхий сайд, Хууль зүй дотоод хэргийн сайд, ОХУ, БНХАУ, БНСУ, Монгол Улсад суугаа гадаад улсын Дипломат байгууллага, Засгийн газрын Хэрэг эрхлэх газар, Хууль зүй дотоод хэргийн яам, үндэсний аюулгүй байдлыг хангах чиг үүрэг бүхий төрийн байгууллагын удирдах албан тушаалтан, хууль зүйн чиглэлийн их, дээд сургуулийн эрдэмтэн судлаач, профессор багш, төрийн бус байгууллагын төлөөлөл зэрэг дотоодын 70 байгууллагын 120, гадаадын 3 улсын 10 гаруй, нийт 130 орчим хүн оролцох ажээ. У.Жигүүр