УИХ-ын нэгдсэн чуулганы хуралдааны үеэр ЭБЭХ-ний сайд эзгүй байсан тул түүний оронд Засгийн газрын хэрэг эрхлэх газрын дарга  Ч.Хүрэлбаатар гишүүдийн асуултад хариулахаар болов. Энэ үеэр УИХ-ын гишүүн Г.Баярсайхан “Цахилгааны үеэр сонгуулийн шоу хийж болохгүй. Үүнийг улс төрөөс хол байлгаач. Цахилгааны үнээр шоу хийгээд байна уу” гэв. Үүний хариуд Ч.Хүрэлбаатар сайд толгой сэгсэрч хариуллаа. Түүний байдлыг харсан УИХ-ын дарга Д.Дэмбэрэл “Ч.Хүрэлбаатараа асуултад толгойгоо сэгсэрч хариулаад байх юм. Микрофон өгчихөөд байна. Түүнд хариултаа хэл” гэсэн сануулга өглөө. Түүний энэ байдлыг харсан зарим гишүүд “Манай Ч.Хүрэлбаатар орчин үеийн технологи ашиглаж сураагүй, бүрэн ичэмхий хүн” гэв.