Дотоодын зарим үйлд­вэрийн гурил тас­раад удаж байна. Хүнс­ний зах, худалдааны төвүүд, хөдөө орон нутагт зарим дотоодын нэр төр­лийн гурил нийлүүлэг­дэхгүй байгаа юм байна. Энэ талаар сурвалжил­лаа. Өчигдөр "Хүчит шон­хор" хүнсний зах дээр "Алтан тариа", "Улаан­баатар" гурил хомс байв. "Алтан тариа"-н гурил долоо хоног нийлүүлэг­дээгүй гэнэ. Харин "Улаан­баатар" гурил бага хэмжээгээр ирж байгаа талаар худалдагчид хэлж байв.  Худалдагч Т.Ариун­болд "Алтан тариан гурил тасраад удаж байна. Ямар шалтгаантайг нь мэдэхгүй байна. Үйлдвэр нь ажиллахгүй зогссон гэсэн. Энэ сарын 18-ныг хүртэл гурил нийлүүлэх­гүй гэж хэлсэн. Үнээ нэ­мэх гээд байгаа юм болов уу гэж таамаглаж байна. Манайх гурван тонн гурил аваад дуусч байна. Одоо хэдхэн шуудай үлдээд байгаа" гэв. Тус зах дээр гурилын бөөний болон жижиглэн­гээр гурил будаа худалд­даг таван чингэлэг байд­гаас ихэнх худал­дагчид "Алтан тариа"-н гурил дууссан гэж хэлж байв. "Барс" бөөний худал­дааны төвд мөн ийм байдалтай бай­сан юм. "Алтан тариа"-н гэрээт борлуулагчид нэг ч шуудай гурилгүй байсан. Ганц нэг лангуун дээр  25 кг ууттай гурил зарж байв. Манай гурилын зах зээлийн гол нийлүүлэгч үйлдвэр зогссон нь хомс­дол үүсгэж магадгүй гэх хүмүүс байсан юм. Гэхдээ одоогоор үнэ нь нэмэг­дээгүй байгаа аж. Харин "Атар", "Монгол" гурилын нийлүү­лэлт хэвийн бай­на.   Э.Сувд