Агаарын бохирдлыг бууруулах чиглэлээр ажиллаж буй олон улсын байгууллагуудын хэрэгжүүлж буй арга хэмжээний мэдээллийг харилцан солилцох, төрөөс хэрэгжүүлж буй үйл ажиллагаатай уялдуулахад чиглэсэн хандивлагчдын уулзалт өнөөдөр болж байна. Уг уулзалтыг Агаарын бохирдлыг бууруулах Үндэсний хороо, Европын сэргээн босголт, хөгжлийн банкны “Улаанбаатар Цэвэр агаар санаачилга II” төслийн хүрээнд зохион байгуулж байгаа юм. Уулзалтын үеэр Агаарын тухай шинэ хуулийн тухай товч танилцуулга, агаарын бохирдлын түвшний 2011-2012 оны өвлийн байдлын мэдээлэл, ирэх өвлийн үйл ажиллагааны тухай дэлгэрэнгүй танилцуулах юм байна. Д.Цэцэг