Өнгөрсөн шөнө “Евро-2012”-ын хэсгийн тоглолтоос шалгарсан шөвгийн найман багийн тоглолтууд Чех-Португалийн тоглолтоор эхэллээ. Энэхүү тоглолтод Португалийн шигшээгийн багийн ахлагч Криштиан Рональду 79 дэх минутад Чехийн хаалганд гоолдсоноор багаа хагас шигшээд үлдээж чадлаа. Тоглолт эхнээсээ л “Европын бразилчууд” хэмээгдэх португаличуудын давамгайллаар өрнөсөн. Тоглолтын статистикаас үзвэл португаличууд 56 хувийн, чехүүд 44 хувийн бөмбөг эзэмшилттэй байсан бол португалийн шигшээ тоглолтын турш 20 цохилт гүйцэтгэснээс 5 нь хаалга руу чиглэсэн аюултай довтолгоо болжээ. Тэгвэл чехийн шигшээ тоглолтын турш ердөө хоёрхон  удаа цохилт гүйцэтгэжээ. Булангийн цохилтыг португаличууд 11, чехүүд 6 удаа гүйцэтгэсэн байна. Ийнхүү португаличууд хагас шигшээд үлдэж, Испани-Францын шигшээгийн аль хожсонтой тулгарахаар болж байна. О.Нар