Газрын  шинэчилсэн хуулийг чуулганаар хэлэлцэх үеэр УИХ-ын гишүүн Ц.Батбаяр өөртэнйгээ холбоотой асуудлыг сөхөв. Сүүлийн үед түүнийг  Нийслэлийн Засаг дарга байхдаа Сүхбаатарын талбайн өмнөх газрын хувьд хүнд худалдсан гэх мэдээлэл тархах болсон. Тэрээр уг мэдээллийг няцаахад хурлын танхимыг ашиглав. Мөн Нийслэлийн газрын албанханд хандан “та нар тухайн үед юу болж байсныг санаж байгаа. Ямар төсөл шалгарсаныг ч мэдэж байгаа. Сайдад үнэн мэдээлэл өгөхөд яадаг юм” хэмээн бухимдаж байв. Үргэлжлүүлэн  би ямар ч газар худалдаагүй. Нэг л төсөл шалгаруулж аж ахуйн нэгжид эзэмшүүлэх болгосон. 2006 оны зургадугаар сард болсон үйл явдал тийм биз хэмээн хуралдаанд оролцож байгаа газрын албаныхан руу харж хэлэв. Хариуд нь “UB констрашн” компани Сүхбаатарын урд талбайд усан оргилуур бүхий цогцолбор байгуулахаар төсөл нь шалгаран ажиллаж байгаа гэсэн юм. Ц.Батбаяр гишүүн чуулганы хуралдааныг ашиглан нэрээ цэвэрлэх ажлыг эвтэйхэн хийчихэв.