УИХ-ын болон НИТХ-ын сонгууль явагдаж байна. Сонгуулийн энэ өдрийг УИХ-ын тухай хуулиар бүх нийтийн амралтын өдөр болгон зарласан билээ. Харин энэ өдөр эмнэлэг, цагдаа, нийтийн тээвэр болон онцгой байдал, зарим хүнсний дэлгүүр үйлчилгээний газрууд уртсгасан цагаар ажиллах юм. Цагдаагийн байгууллага хуулиар хүлээсэн үүргийнхээ дагуу УИХ, орон нутгийн сонгуулийн үйл ажиллагаанд нийгмийн хэв журмыг сахиулах чиглэлээр албан үүргээ гүйцэтгэж байна. Сонгуулийн байрны аюулгүй байдлыг хамгаалах ажлыг энэ сарын 22-ноос хамгаалалтад авсан юм. Ялангуяа нийгмийн хэв журам сахиулах болон, иргэдийн амгалан тайван байдлыг хангах талаар онцгой анхаарч байна. У.Жигүүр