Монгол Улсад шинэ үеийн Тагнуулын байгууллага үүсч хөгжсөний 90 жилийн ой энэ жил тохиож байгаа.Тус байгууллагын түүхэн замнал, үйл ажиллагааг архивын баримтад тулгуурлан харуулсан "Тагнуулын байгууллага-90" үзэсгэлэнгийн нээлт Занабазарын нэрэмжит Дүрслэх урлагийн музейд ирэх сарын 02-ны өдөр нээлтээ хийнэ. Долоо хоногийн турш үргэлжлэх энэхүү үзэсгэлэнд ТЕГ-ын Тусгай архивын сан хөмрөгөөс хоёр зуу гаруй сонирхолтой гэрэл зураг, баримт бичиг, биет үзмэрүүдийг сонгон авч олон нийтэд танилцуулах юм.Түүнчлэн Тагнуулын байгууллагын ажилтны өдрийг жил бүрийн долдугаар сарын 3-нд тэмдэглэн өнгөрүүлж байхаар болжээ. Д.Цэцэг