УИХ дахь АН-ын бүлгийн ахлагч Ч.Сайханбилэгээс цөөн асуултад хариулт авлаа. -УИХ-ын хаврын чуулганы хаалтын үйл ажиллагаа 11.00 цагт эхлэнэ хэмээн зарлагдсан ч одоо хүртэл эхлээгүй байна. УИХ дахь МАН-ын бүлгийн гишүүд хуралдаа оролцохгүй гэдгээ албан ёсоор мэдэгдсэн үү? -УИХ-ын хаврын чуулган сонгуулийн үйл ажиллагаанаас үүдэн түр завсарласан байгаа. Одоо бид хуучин бүрэлдэхүүнээрээ цуглаж, хаврын чуулганаа хаах ёстой.Монгол Улсын түүхэнд УИХ-ын бүрэн эрхийн хугацаа дуусгавар болж, хаврын чуулганы хаалтын үйл ажиллагааг боекотлох асуудал гарахгүй байх гэж АН-ын бүлэг найдаж байна. -Чуулганы хаалтын ажиллагаанд оролцохоор  ирсэн АН-ын бүлгийн гишүүд сая танхимаас гарлаа. Чуулганы хаалтыг хэдэн цагт хийх юм бэ? -АН-ын бүлэг УИХ-д суудалтай бусад намын бүлэг чуулганы хуралдаандаа орж ирж сууна. Бид өнөөдөр УИХ-ын нэгдсэн чуулганы үйл ажиллагаагаа өнөөдөр хаана гэж ойлгож байгаа. Монгол Улсын Ерөнхийлөгчид Сонгуулийн ерөнхиий хороо сонгуулийн үр дүнг албан ёсоор өргөн мэдүүлж, Ерөнхийлөгч шинэ УИХ-ын анхдугаар чуулганыг зарлах ёстой. Энэ үйл ажиллагаа хуулийн дагуу болно гэж өнөөдрийн үйл ажиллагааг харж байна. Өнөөдөр 15.00 цагт чуулганы хаалтын үйл ажиллагаа болно гэж үзэж байгаа. -МАН-ын бүлгээс ямар нэгэн байр суурь илэрхийлсэн юм уу? -Одоогоор албан ёсоор мэдэгдсэн зүйл алга. У.Жигүүр