-Жилдээ хэдэн км аялдаг вэ тооцоолж үзсэн үү? -Жилд 40-60 мянган км аялж байгаа. Энэ онгоц, галт тэргээр явсан нь орно л  доо. Дэлхийн бүслүүрээр тойроход 40 мянган км шүү дээ. Гэхдээ километр гэдэг чинь том л сонсогдохоос биш Европ руу нисээд буцаад ирэхэд л 40 мянган км болчих жишээний. -Чингисийн онгон олдох уу? -Онолын хувьд олох магадлал нь ойрхон байна. Нэг талаасаа хааны онгон учраас нууц хэвээр нь байлгая гэдэг нэг хэсэг байдаг. Нөгөө талаасаа  800 жил өнгөрлөө, гайхамшигтай зүйлийг олж, хадгалж, хамгаалах хэрэгтэй гэсэн хүмүүс байна. Чингисийн онгонг хайх 100 гаруй экспедиц гарсан байгаа. Энэ жил Чингисийн ой болж байдаг, гэтэл хийсэн зүйл алга. Чингисийн онгон байх магадлал бүхий газруудыг хамгаалалтад авья гэж төр засагт их хандаж байгаа. Харамсалтай нь төрөөс огт тоохгүй байна.