Наймын даваанд тунасан хоёр бөхөөс аймгийн арслан П.Бүрэнтөгс улсын арслан Г.Эрхэмбаярыг мордож даваад тугаа тойрлоо. Ийнхүү П.Бүрэнтөгс одтой сайхан барилдаж төрийн их наадмынхаа үзүүр түрүүнд үлдээд байна.  П.Бүрэнтөгс гурвын даваанд улсын аварга О.Балжиннямыг, дөрвийн даваанд улсын залуу аварга С.Мөнхбатыг, тавын даваанд улсын заан М.Өсөхбаярыг, зургаагийн даваанд улсын начин Э.Энхбатыг, долоогийн даваанд улсын гарьд М.Баяржавхланг тус тус өвдөг шороодуулан наймын даваанд улсын арслан Г.Эрхэмбаярыг даваад байна.