Өөрийгөө “ZonD80” гэж нэрлэсэн оросын нэгэн хакер iPhone болон iPad-нд хэрэглэдэг аппликейшнуудыг үнэгүй хэрэглэх аргыг олж, зааврыг нь олон нийтэд цацан Apple компанийг сандаргажээ. Тус компанийн хэрэглэгчид мөнгө төлж аппликейшнээ шинэчлэдэг тул энэ нь ноцтой асуудал гэдэг нь дамжиггүй юм. Хүмүүс үнэгүй аппликейшн хэрэглэхийн тулд ердөө сайхь хакерын сайтаас аюулгүйн гэрчилгээ  татан авч, утасныхаа wi-fi холболтын тохиргоог өөрчлөх шаардлагатай аж. Орос эр энэхүү аргачлалаа тайлбарласан бичлэгээ YouTube дээр тавьсан байсан боловч өчигдөр устгагдан “Apple компаниас гаргасан зохиогчийн эрхийн гомдлын дагуу устгалаа” гэсэн бичиг тавьсан байлаа. Одоохондоо Apple компани энэ талаар мэдэгдэл хийгээгүй байна. Ц.Мишээл