ҮЗХ-ны хуралдаанаар  Монгол Улсын Их  Хурлын даргад З.Энхболдыг нэр дэвшүүлснийг  100 хувийн саналаар дэмжлээ. Түүнчлэн Ерөнхий сайдад нэр дэвшээд буй тус намын дарга Н.Алтанхуягаас АН-ын гишүүд асуулт асууж эхэлсэн байна.

УИХ-ын даргад нэр дэвшсэн З.Энхболдын ажилласан байдал

Зандаахүүгийн Энхболд 1966 оны 5 дугаар сарын 23-нд Улаанбаатар хотод төрсөн, эхнэр, охин, хоёр хүүтэй.

-1984 онд Сэлэнгэ аймгийн Сүхбаатар хотын 10 жилийн дунд сургууль,

-1989 онд ОХУ-ын Уралын Политехникийн дээд сургуулийг төгссөн. Автоматик, телемеханикийн инженер мэргэжилтэй

-1996 онд Монгол Улсын Их сургуулийг эрх зүйч мэргэжлээр төгссөн. 2004 онд АНУ-ын Денверийн Их сургуульд Олон улсын Бизнесийн удирдлагын магистрын зэрэг хамгаалсан. Англи, орос хэлтэй.

-1996-1999 онд Төрийн өмчийн хорооны дарга, 1999-2000 онд УИХ-ын даргын зөвлөх

-2000-2001 онд Ардчилсан намын Ерөнхий нарийн бичгийн дарга

-2004-2005 онд Төрийн өмчийн хорооны дарга

-2004-2012 онд УИХ-ын сонгуулиар Өвөрхангай аймгийн сонгуулийн тойргоос  хоёр удаа сонгогдсон.  УИХ-ын Аюулгүй байдал, гадаад бодлогын байнгын хорооны даргаар,  УИХ-ын Аюлгүй байдал, гадаад бодлогын байнгын хороо, Хууль зүйн байнгын хороонд харьяалагддаг. УИХ дахь  Монгол-Америк, Монгол-Орос, Монгол-Сингапур, Монгол-Хятад, Монгол-Японы парламентын бүлгийн гишүүнээр тус тус ажиллажээ.

Н.Түвшин