Өмнөд Суданд энхийг сахиулах ажиллагаанд оролцох албан хаагчдыг үдэх ажиллагаа өнөөдөр Онцгой байдлын ерөнхий газарт боллоо. Аюулт үзэгдэл, ослын голомтод ямар ч эрсдэл бэрхшээлийг үл хайхран ажиллаж ирсэн Онцгой байдлын албаны нийт бие бүрэлдэхүүн эх орныхоо өнцөг булан бүрт хүрч ажиллахаас гадна олон улсын хэмжээнд аврах ажиллагаа явуулах чадвартай болохоо энэ хугацаанд төр, түмэндээ нотлон харуулсан. Үүний нэг тод жишээ нь хэдхэн хоногийн дараа Онцгой байдлын албаны албан хаагчид НҮБ-ын энхийг сахиулах үйл ажиллагаанд анх удаа Монгол Улсаа төлөөлөн оролцохоор Өмнөд Суданыг ийнхүү зорих гэж байна. Дашрамд дурдахад, манай улс энхийг сахиулах үйл ажиллагаанд оролцож эхэлсний 10 жилийн ой энэ жил тохиож байгаа. Д.Цэцэг