УИХ-ын чуулганы анхдугаар хуралдаан өнөөдөр 11.00 цагт эхлэхээр товлогдсон ч одоог хүртэл эхлээгүй байна. Уг нь өнгөрөгч долоо хоногийн баасан гаригт товлогдсон ба УИХ-ын даргыг томилох асуудлыг МАН-ын бүлэгтэй зөвшилцөөгүй гэсэн үндэслэлээр анхдугаар чуулган  гацаанд  орсон юм. Тэгвэл Ардчилсан намын ҮЗХ-ны хуралдаан өчигдөр болж  эвслийн Засгийн газар байгуулахтай холбоотой МАХН-МҮАН-ын “Шударга ёс эвсэл, ИЗНН-тай байгуулах хэлэлцээрийг баталсан байна. Ийнхүү хэлэлцээрийг баталснаар өнөөдөр 11.00 цагт УИХ-ын анхдугаар чуулганы хуралдааныг эхлүүлж УИХ-ын даргыг сонгох асуудлыг хэлэлцэхээр болсон билээ. Гэсэн хэдий ч тогтсон хугацаандаа чуулган эхлэлгүй хүлээгдсээр байна. УИХ-ын гишүүн Х. Тэмүүжин дөнгөж саяхан өөрийн твиттер хуудаснаа "Насаар хамгийн ахмад гишүүн болон МАН-ын гишүүдийг хүлээж л байна" хэмээн бичжээ. Н.Өрнө