Өмнөд Солонгосын ерөнхийлөгч Ли Мён Бакын ах Ли Сан Дык хууль тогтоогч байх хугацаандаа хахууль авч байсан хэргээр өнгөрсөн сард баривчлагдсан билээ. Түүнийг асуудалд орсон хоёр банкны эзнийг хэргээс зайлуулж өгөх шалтгаанаар хагас сая ам.долларын хахууль авсан гэж прокуророос яллаж байгаа юм. Энэ хэрэг явдал ерөнхийлөгч болон түүний нэр дэвшсэн намын хувьд маш ичгүүртэй хэрэг билээ. Ерөнхийлөгч Мён Бак өнөөдөр зурагтаар ахынхаа өдүүлсэн хэргээс хүлцэл өчжээ. Тэрээр “Солонгосын ард иргэд минь, сүүлийн үед манай гэр бүл болон миний эргэн тойрны хүмүүст гутамшигт явдал тохиолдож, маш их сэтгэлийн зовлон авчраад байна. Энэ хэргийг бодох тусам миний амьдрал нурж байгаа мэт санагдан, би эгц харж ч чадахгүй байна. Би энэ явдалд хэнийг буруутгах чадах билээ? Энэ бүхэн миний муугийнх. Ямар ч шийтгэл байсан би хүлээнэ. Бодох тусам миний зүрх эмтэрч байна. Миний бодлоор бүхнийг шинээр эхэлж, Засгийн газраа товхинуулан, үүргээ гүйцэтгэхийн тулд шургуу, шударга ажиллана” хэмээн Ерөнхийлөгч хэлжээ. Түүний таван жилийн ерөнхийлөгчийн хугацаа ирэх жилийн эхээр дуусах бөгөөд 12-р сард сонгууль болох юм. Ц.Мишээл