Ц.Цэгмид хэмээх аугаа хүнийг мэдэхгүй хүн бараг байхгүй болов уу.Тэрээр манай кино урлагийн домог, Монгол Улсын Ардын жүжигчин цолыг анхлан хүртэж явсан хүний нэг билээ. Аугаа эцгийнхээ авьяасыг өвлөж авсан Монгол Улсын гавьяат жүжигчин Төмөрбаатар ч олон сайхан дүрээрээ түмэндээ танигдаж чадсан. Эцгийгээ өнгөрсний дараахан "Хүний амь” кинонд тоглож тэрээр урлагт хөл тавьж байсан. Түүнээс хойш өдийг хүртэл кино урлагтаа хүчин зүтгэж яваа жүжигчин маань нэг сайхан малчин монгол эрийн дүр бүтээхийг хүсэж явдаг гэнэ. Хөгширхөөр тэгж байгаа юм болов уу даа золиг хэмээн нэгэн ярилцагадаа хэлж байсныг үзвэл найруулагчид төлөвлөгөөндөө авахад гэмгүй буй за. Одоо ч гэсэн түүнд киноны олон санал ирдэг бөгөөд зохиолтой нь танилцаад таалагдвал тоглох саналаас татгалзахгүй гэнэ.