Английн дуучин Элтон Жон болон түүний хос Девид Фурниш нар 2010 оны арванхоёрдугаар сард тээгч эхээс Захари нэртэй хүүтэй болсон бөгөөд хүүгээ хоёр нас ч хүрч амжаагүй байхад дараагийн хүүхдээ хүлээж байгаа аж. Захари хүүг тээсэн эх хоёр дахь хүүхдийг нь ялгаагүй тээж байгаа бөгөөд гурван сартай  гэсэн мэдээлэл байна. Гэхдээ хосууд одоогоор энэ талаар мэдэгдэл хийгээгүй байна. Хоёр дахь хүүхдийн мэдээлэл тийм ч гэнэтийн хэрэг биш юм. Учир нь өнгөрсөн долоо хоногт Элтон Жон хүүхдээ айлын ганц болгохыг хүсэхгүй байгаа талаар ярьж байжээ. Мөн түүний хос Девид ч жилийн эхээр гэр бүлээ өргөтгөхийг, Захариг дүүтэй болгохыг хүсч байгаагаа хэлж байсан юм. Анхны хүү Захаригаа төрөн төртөл чандлан нууцалж чадсан хосууд энэ удаад байдлыг гартаа авч чадахгүй нь бололтой. Ц.Мишээл