Цаг гаруйн дараа дөрвөн жил тутамд нэг удаа зохиогддог хүн төрөлхтөний эв нэгдлийн бэлэг тэмдэг болох олимпийн наадам эхлэх гэж байна. Их Британийн нийслэл Лондон хотноо зохиогдох зуны олимпийн XXX наадам ийнхүү эхлэх гэж байна. Манай улсаас "Лондон-2012"-т спортын долоон төрөлд 29 тамирчин эрх авч эх орныхоо нэрийг гарган олон улсын тамирчидтай хурд, хүч, авхаалж самбаагаа сорин өрсөлдөх билээ.