УИХ-дахь Ардчилсан намын бүлгийн хуралдаан өнөөдөр болж МАН-ын ирүүлсэн  гурван хүсэлийг хэлэлцжээ. Тус бүлгийн дарга УИХ-ын гишүүн Д.Эрдэнэбатын өгч буй мэдээллээр   Ардчилсан нам төрийн  гацааг арилгахын тулд цаашид хэрхэн ажиллах вэ,  ардчилсан намын бүлэг ямар байр суурьтай хандах вэ гэдэгт гишүүдийн саналыг нээлттэй сонсчээ.

 Түүнчлэн МАН-ын зүгээс   үүсээд буй нөхцөл байдалтай холбогдуулан үндсэн гурван саналыг Ардчилсан намын удирдлагад тавьсан байна. Үүнд нэгдүгээрт, УИХ-ын даргыг сонгох  процессийг дахих явуулах шаардлагатай гэж үзсэн байна. Хоёрдугаарт, Өвөрхангайн сонгуулийн маргааны асуудлыг тохиролцож шийдэх тухай санал гаргасан байна.

Гуравдугаарт, Зарим тойргуудад  сонгуулийн саналыг тоолье гэсэн саналыг тус тус гаргасан юм. Тэгвэл МАН-ын удирдлагаас гаргасан дээрх гурван саналыг АН-ын бүлэг хүлээн авах боломжгүй гэсэн шийдвэрийг өнөөдрийн хуралдаанаараа гаргажээ. Учир нь Зөвшилцөл байх ёстой. Гэхдээ Үндсэн хууль, бусад хууль тогтоомжийн дагуу УИХ-д суудалтай бусад намтай Ардилсан нам зөвшилцсөн гэж үзэж байгаа аж. МАН-аас АН-тай  зөвшилцөх тухайгаа өнгөрөгч долдугаар сарын 25-ны өдөр  илгээсэн учраас  зөвшилцсөн гэж үзэн энэ асуудлаар МАН-тай ажлын хэсэг байгуулах шаардлаггүй гэж үзсэн байна.

Учир нь  АН-ын бүлэг хуулийн хүрээнд явагдаж буй асуудлыг  аль байгууллага нь шийдэх ёстой вэ.Түүгээр  шийдвэрлэгдэх ёстой гэсэн байр суурьтай байгаа аж. Хоёрдугаарт, УИХ-ын даргыг сонгох асуудал хуулийн дагуу явсан. УИХ олонхоо бүрдүүлж бүрэн эрхээ хэрэгжүүлж даргаа сонгосон нь  эрхзүйн хувьд ямар ч хуулийн заалт зөрчөөгүй. Хуульд хоёрдмол ойлголт гэж байхгүй. АН энэ  зарчмаа баримталж ажиллана гэлээ. Сонгуулийн санал тоолох тухайд  УИХ-ын  гишүүд болон намуудын шийдэх асуудал биш.

 Төрийн сонгуулийг намууд зохион байгуулаагүй. Төрийн сонгуулийг төрийн байгууллагууд нь өөрдсөө зохион байгуулсан учраас холбогдох байгууллагууд нь шийдэх учиртай.  Өвөрхангайн тойргын асуудлыг  ч мөн шүүхийн шийдэх асуудалд нам хөндлөнгөөс оролцох  учиргүй гэсэн байна. Түүнчлэн  одоогийн Засгийн газрын бүрэн эрх нь дуусч, чадамжгүй болсон байгаа. Ийм үед Засгийн газраас гарч буй  шийдвэрийг судлах ажлын хэсгийг УИХ-ын гишүүн Х.Тэмүүжин, Н.Батбаяр нарын  бүрэлдэхүүнтэйгээр байгуулсан тухай мэдэгдлээ.

Н.Түвшин