Өчигдөр эмэгтэйчүүдийн туялзуур жадны тэмцээний үеэр ихэд сэтгэл шимшрэм үйл явдал болжээ. БНСУ-ын тамирчин А Лам Шин, ХБНГУ-ын тамирчин Бритта Хайдерман хагас шувтаргын тэмцээнд шалгарч, тулсан юм. Сүүлийн цохилт хийхэд ганцхан секунд үлдсэн байхад хожигдож явсан тамирчин үхлийн цохилт хийж ялсан байна. Гэхдээ хэрэг явдал харамсалтай байгаагийн учир нь Лам Шин нэг оноогоор хожиж явсан боловч цаг дуусах үед цагийн механизм гацаж, илүү нэг секундэд германы тамирчин ялсан байна. Бүтэн дөрвөн жил Олимпийн медалийн төлөө шаргуу бэлтгэл хийсэн А Лам Шин нэгхэн секунд бүх хөдөлмөрийг нь үнэгүйдүүлсэнд итгэж ч чадахгүй байжээ. Тэрээр маш гомдолтойгоор дэвжээн дээр уйлан суусан байна. Шүүгч нар энэ явдлыг шийдвэрлэх гэж бүтэн 70 минут хуралдсан нь энэ удаагийн олимпийн хамгийн удаан саатал байлаа. Гэхдээ шүүгчид хожлыг Бритта Хайдерманд өгч, тэрээр украйны тамирчинтай тулалдаж мөнгөн медаль дээр буужээ. Ц.Мишээл