Бямба гаригт хятадын 16 настай усанд сэлэлтийн тамирчин АНУ-ын хамгийн хурдан сэлэгчээр тодроод буй, алтан медаль хүртсэн Райан Лохтегийн амжилтыг эвдэж шуугиан тарьсан билээ. “Супер эмэгтэй” хочийг аваад буй тамирчинг Е Шивэнь гэдэг бөгөөд 400 метрийн ганцаарчилсан холимог төрөлд алтан медаль авсан байна. Үүнээс 50 метрийн чөлөөт сэлэлтээр 28,93 секундын рекорд тогтоожээ. 27 настай Райан эрэгтэйчүүдийн энэ төрөлд 29,1 секундын амжилт үзүүлсэн юм. Шивень өөрийнхөө рекордыг ч таван секундээр эвдсэн байна. Харин энэ явдлыг америкийн алдарт дасгалжуулагч Жон Леонард итгэмээргүй, адармаатай байж магадгүй хэрэг хэмээж байгаа юм. Тэрээр ийм хачирхалтай хэрэгт ямар нэг тайлбар байх ёстой, ямар нэг эрч хүч, бүтээмж нэмэгдүүлэх бодис хэрэглэснээс зайлахгүй, эсвэл хятадууд генийн сайжруулалт хийсэн байж ч болох гэсэн байлаа. Мэдээж эхний дөрвөн байр эзлэгсдийн адилаар Шивень сэргээшийн шинжилгээнд орсон байна. Одоогийн байдлаар нийт 1461 тамирчдыг сэргээшийн шилжингээнд оруулаад байгаа бөгөөд хариу гараагүй байна. Ц.Мишээл