Б.Дамдинсүрэнгийн нэрэмжит “Учиртай гурван толгой” дуурийн шилдэг дүрийг шалгаруулах улсын уралдаанд түрүүлж байсан эгч дүүс болох дуучин Ж.Хишигсүрэн, Ж.Хишигдэлгэр нар уран бүтээлийн олз омог ихтэй явна. 2010 онд Улсын дуурь бүжгийн эрдмийн театрт “Учиртай гурван толгой” дуурийг концерт хэлбэрт оруулж бүрэн хэмжээний тоглолт хийсэн нь мэргэжилтнүүдийн зүгээс өндөр үнэлгээ авч байлаа. Мөн тэд өнгөрсөн жил Монгол бөхийн өргөөнд “Бодол шиг өдрүүд” нэртэй бие даасан тоглолт хийж, цомог гаргасан юм. Харин энэ удаа дуучин Ж.Хишигдэлгэр стилиэ өөрчилж, рок попын ертөнцөд хүч үзэхээр шийдсэн аж. Тэрбээр саяхан өвөрмөц өнгө аястай “Нэг л удаа” дуундаа клип хийлгэж, үзэгчдийн хүртээл болгосон байна. Түүний эгч Ж.Хишигжаргал нь мөн бие даасан уран бүтээлүүдээ цомог болгон сонсогчиддоо хүргэхээр яарч буй гэнэ. Р.Есүй