Бээжин-2008 оны зуны олимпийн XIX наадамд жудо бөхийн -100 кг-ийн жинд өрсөлдөж алтан медаль хүртэн анхны олимпийн аварга төрөн гарсан тэр түүхт үйл явдал одоо ч гэсэн сэтгэлд тодхон, бахархал төрүүлсээр байна. Өнөөдөр Лондоны татамид жудо бөхийн эрэгтэйчүүдийн -100 кг-ийн жинд Монгол Улсын Хөдөлмөрийн баатар, МУГТ Н.Түвшинбаяр В хэсгийг толгойлон барилдана. эмэгтэйчүүдийн -78 кг-ийн жинд ОУХМ П.Лхамдэгд нар зодоглоно. Олимпийн аваргын хэсэгт Тайланд, Франц, Египет, Узбекистан, АНУ-ын бөхчүүд бий. Харин ОУХМ П.Лхамдэгд С хэсэгт барилдах бол энэ хэсэгт Япон БНСУ, Голланд, Португал, Англи улсын бөхчүүд бий. Энэ хоёр тамирчны барилдаан Монголын цагаар 16.30-д эхэлнэ. Тамирчиддаа амжилт хүсье. А.Алт