Сирийн Үндэсний Зөвлөлийн тэргүүн асан, одоогийн Улс төрийн департментын дарга Бурхан Гальюн Ерөнхийлөгч Башар Ассадын засаглал унахад ойрхон байгааг лхагва гаригт илэрхийлжээ. Хэрвээ Алеппо хот босогчдын гарт орвол, цаашдаа юу ч Сирийн Чөлөөт армийг зогсоож чадахгүй болно гэлээ. Сирийн хамгийн том бөгөөд худалдааны гол хот болох Алеппод хэдийгээр Засгийн газар хүчирхэг зэвсгүүд оруулсан байгаа ч ялалт босогчдын талд харагдаж байгаа, сарын дараа л гэхэд ялах байх гэжээ. “Хэрвээ Алеппог эзэлвэл автоматаар Ерөнхийлөгчийн ордныг тойруулан удирдлагын штабууд бий болно. Сирийг Башар Ассадаас чөлөөлөх Чөлөөт армийн замд өөр юу ч хөндөлсөж чадахгүй.  Босогчдод цааш урагшлах хүч байгаа. Харин Засгийн газрын цэргүүдэд цааш тэмцлээ үргэлжлүүлэх шалтаг байхгүй. Тэд ямар нэг улс төрийн шалтаг эсвэл хэм хэмжээний төлөө тэмцэхээ больсон. Тэд ердөө л нэг хараал идсэн удирдагчийн засаглалаа үргэлжлүүлэн барихыг тэмцэж байгаа, тэдэнд ёс суртахуун гэж алга. Цэргүүд утга учраа алдсан тэмцэл дунд албан хүчээр илгээгдсэн хэрэг” хэмээн Гальюн ярилаа.             Ц.Мишээл