Спортын оны шилдгүүдийг тодруулах "Бөртэ чоно" ёслолын ажиллагаа арванхоёрдугаар сарын 23-нд болно. Энэ жил оны шилдэг тамирчин, залуу тамирчин, дасгалжуулагч, баг гэсэн дөрвөн номинациар шилдгүүдээ тодруулна. Энэ жилийн шилдгийн шилдгүүдэд дэлхийн аварга П.Сэрдамба, гавьяат тамирчин Н.Төгсцогт хоёр хүчтэй өрсөлдөнө гэсэн яриа байна.  Мөн  ОУХМ Б.Түвшинбат тэргүүтэй "Гуанжоу 2010"-аас мөнгө, хүрэл медаль хүртсэн тамирчид энэ жилийн "Бөртэ чоно"-ыг чимэх юм.