Өнөө өглөө Вьетнамын нийслэлд 100 гаруй жагсагчид ижил хүйстнүүдэд тэгш эрх олгохыг шаардаж жагссан нь тус улсын хувьд анхных байлаа. Жагсагчид солонгын өнгөтэй дарцаг барин унадаг дугуй, мотоцикл унан явсан ба жагсаал арван км орчим үргэлжилсэн байна. Хэдийгээр вьетнамд нийгэм ижил хүйстэн хүмүүсийг хүлээн авч эхэлж байгаа ч доромжлол байгаа хэвээр гэнэ. Хэдхэн жилийн өмнө вьетнамчууд гомосексуалийг “нийгмийн ад зэтгэр” гэж үздэг байсан бол саяхнаас ижил хүйстнүүдийн гэрлэлтийг хуулиндаа зөвшөөрчээ. Ингэснээр ижил хүйстнүүдийн гэрлэлтийг хүлээн зөвшөөрсөн азийн анхны улс болж байгаа юм. Хууль зүйн сайд Ха Хун Цуон “Бид бодит байдалтайгаа эвлэрэх хэрэгтэй болжээ. Ижил хүйстнүүдийн тоо хэдэн зуун мянгад хүрсэн байна. Тэд гэрлэлтээ бүртгүүлэлгүйгээр хамтран амьдарч, ингээд хууль зүйн үр дагавар үүсгэж байна” гэсэн байна. Шинэ хуулинд өмч эзэмших, өвлөж авах болон хүүхэд үрчлэх талаар тусгаж магадгүй байна. Ц.Мишээл