Нийслэлээс өдөрт 800 тонн орчим хог гардаг байна. Түүнээс 80  хувийг нь дахин боловсруулж түлш үйлдвэрлэхээр төлөвлөжээ. Үйлдвэрлэсэн түлшээ эхний удаад нийслэлийн Сонгинохайрхан дүүргийн 26-р хорооны нутаг дэвсгэрт байрлах сургууль цэцэрлэгүүдэд нийлүүлэхээр болжээ. Дашрамд дурдахад Нарангийн хогийн цэг дээр амьдарч, амь зогоодог иргэдээс 40 гаруй иргэнийг сургаж, дээрх түлш үйлдвэрлэх үйлдвэрт ажилд авахаар болсон байна.