Авлигатай тэмцэх газрын анхны дарга асан Б.Дангаасүрэн 2007 оны аравдугаар сарын 25-ны өдөр Австралийн Сидней хотод учир битүүлгээр амь үрэгдсэн хэргийг нийслэлийн Прокурорын газраас гэмт хэргийн бүрэлдэхүүнгүй хэмээн хаасан юм. Уг хэргийг сэргээн шалгаж өгөх хүсэлтийг  өнөөдөр түүний төрсөн дүү Б.Дансал Улсын ерөнхий прокурор Д.Дорлигжавт  хүргүүлнэ. Уг хүсэлтэд талийгаачтай хамт 2007 онд Сидней хотыг зорьсон АТГ-ын ажилтан н.Энхтуяа нарын гурван хүнийг цагдан хорих, Б.Дангаасүрэн агсны цогцсыг Сидней хотод байхад монголд хуурамч задлан шинжилгээний дүгнэлт гаргасан Л.Жамбалжав, н.Өлзийнхудаг, н.Дагиймаа нарыг ч уг хэрэгт сэжигтнээр тооцон шалгахыг хүсч холбогдох баримтуудыг хавсарган хүргүүлж буй гэнэ. Н.Түвшин