Өнөөдөр Японы соёлын өдөр тохиож байна. Тус өдрийг тохиолдуулан Үндэсний соёл амралтын хүрээлэнд 17.00 цагаас Монгол-Японы төв, Үндэсний соёл амралтын хүрээлэн, Кендамагийн холбоо, “СТ-Арт” зэрэг байгууллагууд хамтран Японы соёлын өдөрлөгийн хүрээнд АХА тэмцээн, хамтлаг дуучдын тоглолт, Косплэй тэмцээнүүдийг зохион байгуулах аж. Тус өдөрлөгт оролцохыг хүссэн хүмүүс кимоно, юката, косплэй, J style зэрэг стилээр хувцаслан ирж үйл ажиллагаанд нэгдэх боломжтой. Японы соёлын өдөрлөгийг “Жэй рок” холбоо, “Анимакс”, “Монсаб”, “Animesgate” байгууллага болон сайн дурын зохион байгуулагчид хамтран зохион байгуулж байна. Э.Сувд