Шүүхийн Ерөнхий зөвлөл, Нээлттэй нийгэм форум, шүүгчдийн холбоо хамтран зохион байгуулж байгаа “Шүүгчийн ёс зүй” сэдэвт сургалт өнөөдөр Нээлттэй нийгэм форумын байранд эхэллээ. Сургалтад шүүгч, прокурор, өмгөөлөгчдийн төлөөлөл оролцож байгаа юм. Мөн Японы Нагояагийн их сургуулийн профессор Ясутомо Моригива урилгаар оролцож “Шүүгчийн ёс зүйн философийн үндэс", “ХБНГУ болон Япон Улсын шүүгчийн ёс зүйн харьцуулсан судалгаа” сэдвээр лекц уншиж, хэлэлцүүлэг өрнүүлэх юм. Ясутомо Моригива нь ИБУИНВУ, ХБНГУ-ын шүүхийн сургалтын байгууллагад шүүхийн эрх зүйн нэг институци болох шүүгчийн ёс зүйг эрх зүйн гүн ухаанд үндэслэн заадаг бөгөөд энэ сэдвээр шинжлэх ухааны зэрэг хамгаалжээ. Энэхүү сургалт энэ сарын 16-ны өдрийг хүртэл үргэлжлэх юм. Д.Цэцэг