Зуны олимпийн XXX наадам хөшгөө хаагаад удаагүй байна. Энэ удаагийн наадамд манай тамирчид хоёр мөнгө, гурван хүрэл медаль хүртсэн амжилтыг үзүүлээд байгаа. Тэгвэл дөрвөн жилийн өмнөх яг энэ өдөр Бээжингийн олимпоос манай улс түүхэндээ анх удаа алтан медаль авч байсан билээ. Энэхүү түүхэн медалийг жүдо бөхийн -100 кг-ын жинд Н.Түвшинбаяр хүртэж олимпийн тэнгэрт төрийн далбаагаа мандуулж байлаа. Долдугаар сарын 01-ний гэх эмзэглэлээс гарч амжаагүй байсан монголчууд 2008 оны наймдугаар сарын 14-ний өдөр хязгааргүй ихээр баярлаж байсныг уншигч олондоо эргэн сануулж байна. Д.Цэцэг