УИХ дахь МАН-ын  бүлгийн хуралдаан сая өндөрлөж тус бүлгийн дарга Н.Энхболд сэтгүүлчдэд товч мэдээлэл хийлээ. Хуралдааны үеэр   өнөөдөр Монгол Улсын Ерөнхий сайд Н.Алтанхуягын Ерөнхийлөгч Ц.Элбэгдоржид өргөн мэдүүлсэн Засгийн газрын бүтэц, бүрэлдэхүүний тухай хуулийн төсөлтэй танилцах  ажлын хэсэг байгуулсан тухайгаа дуулгалаа.

Ингэснээр маргааш 10.00 цагт  болох тус бүлгийн хуралдаанд  Ерөнхий сайд Н.Алтанхуяг оролцож  хуулийн төслийн талаар танилцуулга, мэдээлэл өгөх юм байна.

Түүнчлэн уг хуралдаанаар УИХ дахь МАН-ын гишүүдийн байнгын хороонд ажиллах хуваарийг  УИХ-д хүргүүлсэн тухай танилцуулга, УИХ-ын дэд даргад тус намын бүлгээс нэр дэвшүүлсэн шийдвэрээ УИХ-д хүргүүлсэн тухай мэдээллийг сонсгожээ. Дашрамд дуулгахад, УИХ дахь МАХН-МҮАН-ын "Шударга ёс" эвслийн бүлгийн ажлын хэсгийн хуралдаанд Ерөнхий сайд Н.Алтанхуяг яг одоо оролцож байгаа аж.

Н.Түвшин