Хятадад суух түвд иргэд шашны тэргүүн Далай ламыг нутгаас нь цөлсөн явдлыг эсэргүүцэж, мөн Хятадын дарангуйллыг эсэргүүцэн өөрийгөө шатаасан хэрэг гарсаар ирсэн. 2009 оноос хойш ойролцоогоор нийт 50 гаруй түвд хүн амиа золиослон өөрийгөө шатаасан байна. Тэгвэл өмнө нь ийм хэрэг олон гарч байсан Сичуан мужид даваа гаригт дахин ийм хэрэг давтагджээ. Хоёр түвд иргэн өөрийгөө шатаан эсэргүүцэж, тэдэнтэй хамт явсан нутаг нэгтэнийг цагдаа нар зодож алсан аймшигт хэрэг гарчээ. Цагдаа нар бослогыг зогсоож хүчрээгүй учир эцэст нь түвдүүдтэй зодолдсон байна. Амиа золиослогч хоёр хүнийг эмнэлэгт хүргэсэн боловч биеийн байдал нь ямар байгаа нь тодорхойгүй байна. Ц.Мишээл