УИХ-ын чуулганы нэгдсэн хуралдаанаар  дөнгөж сая УИХ-ын дэд даргаар УИХ-ын гишүүн С.Баярцогтыг томилуулах тухай тогтоолын төслийг хэлэлцээд гишүүдийн 81.6 хувийн саналаар дэмжин баталлаа. Чуулганы нэгдсэн хуралдаанд 61 гишүүн оролцож, дээрх саналыг өгсөн юм. Харин дээрх тогтоолыг батлахын өмнө УИХ-ын дэд даргад нэр дэвшигчид хандан гишүүд саналаа хэлэх үеэр УИХ-ын гишүүн Ц.Нямдорж “Чи албан тушаалын төлөө худал хэлдэг. Юу ч хийхээс буцахгүй. Хууулийг өөртөө тохируулж тайлбарладаг. Гуйвуулдаг” хэмээн шүүмжилсэн бол  УИХ-ын гишүүн Д.Оюунхорол Р.Гончигдорж гишүүнд хандан “Өмнөхтөйгээ тооцоо бодох бус өнөөдрөөс хойш урагшаа харж ажиллая. Хонзогносон байдлаар асуудалд хандахгүй байх ёсто гэсэн юм. Түүнчлэн  УИХ-ын гишүүн Ц.Даваасүрэн “С.Баярцогтод олон сайн давуу тал бий, энэхүү албан тушаалт томилогдход тохирно. Гэхдээ Оюутолгойн алдаатай гэрээг засахад оролцох ёстой. Монголын талд энэ гэрээ 60 хувийн ашигтай бус, энэ мэт зүйлийг өөрийн биеэр засах ёстой. Та 1990-ээд оноос хойш төрийн олон сайхан албыг хашлаа, тийм учраас ачийг хариулах ёстой. Ер нь энэ удаагийн УИХ-ын сонгууль Оюутолгойн гэрээнд хариуцлагагүй хандсан хүмүүсийг шүүсэн, харин таныг сонгогчид шүүгээгүй. Сайдад таны нэрийг нэр дэвшүүлээгүй нь танай намынхан танд хариуцлага тооцсоных байх гэл ээ. Н.Түвшин