Нийслэлийн шүүхэд өнөөдөр  Хан-Уул дүүргийн шүүхэд шийдвэрлэсэн Өвөрхангайн тойргийн маргааныг хянан шийдвэрлэлээ. Шүүхээс С.Чинзориг Н.Төмөрхүү нарын сонгогчдын саналыг татах зорилгоор архи мөнгө тараасан,насанд хүрээгүй этгээд татан оролцуулсан үйлдлийн талаар ямарваа нэг шийдвэр гаргасангүй.

Харин уг асуудлыг цагдаагийн байгууллагаар шалгуулсны дараа шүүх шийдвэрлэх нь зүйтэй гэж үзлээ. Шүүх хурлын үеэр Д.Зоригт, Г.Батхүү нарын өмгөөлөгчдийн зүгээс энэ асуудлаар Өвөрхангай аймгийн шүүхэд маргаан хэдийнээ үүсгэсэн тэнд эцсийн шийдвэр гаргах ёстой гэдгийг  онцлов.

Иймээс цагдаагийн байгууллага МАН-аас нэр дэвшигчдийг шалгаж хариуцлага хүлээлгэх, Өвөрхангай аймгийн шүүхэд асуудлыг  шийдвэрлэх,гэх мэтээр Өвөрхангайн тойргийн маргаан удаашрах нь тодорхой боллоо.

Мөн Батхүү Зоригт нарын зүгээс Нийслэлийн шүүхийн шийдвэрийг давж заалдана гэдгээ мэдэгдлээ.

Н.Түвшин