Монгол Улсад театрын урлаг үүсч хөгжсөний 80 жилийн ой энэ жил тохиож байгаа юм. Ойн хүрээнд олон арга хэмжээ зохион байгуулж байгаагийн нэг нь түүхэн зохиол шалгаруулах уралдаан байв. Уг уралдаанд Б.Цогнэмэхийн зохиол, найруулагч Н.Наранбаатарын найруулгаар бүтээгдсэн Модун Шаньюүгийн тухай “Тэнгэрийн хүү” жүжиг шалгарсан билээ. Тун удахгүй театрын тайзнаа “Тэнгэрийн хүү” мэндэлж үзэгчдэд хүрэх юм. Үүнтэй холбогдуулан өнөөдөр уран бүтээлчид мэдээлэл хийхээр болжээ.