Нийслэлийн боловсролын байгууллагуудын удирдах ажилтны зөвлөгөөн энэ сарын 28-нд болно. Улсын драмын эрдмийн театрт болох уг зөвлөгөөнөөр салбарын шинэ сайд, хотын шинэ даргад ажлын тайлан, хичээлийн шинэ жилийн бэлтгэлийн талаар танилцуулах гэнэ. Сүүлийн жилүүдэд төрөлт нэмэгдэж, манай хүн амын тоо харьцангуй нэмэгдэж байгаатай холбоотой шинээр сургууль, цэцэрлэгийг нэмэх зайлшгүй  шаардлагатай байгаа юм. Сургууль, цэцэрлэгийн барилгыг барихад хүндрэлтэй байгаа асуудлын нэг нь газрын асуудал юм. Газрын асуудлыг хэрхэн шийдвэрлэх талаар ч мөн зөвлөгөөний үеэр танилцуулах аж. Цаашид төвлөрсөн дулааны сүлжээнд холбогдоогүй 50 гаруй сургууль, цэцэрлэгийг төвийн шугамд холбох ажлыг хийх гэнэ.