"Өнөөдөр өглөө нисэх байсан бүх нислэг нисэх буудалд тэсрэх бөмбөг байршуулсан байж магадгүй гэсэн шалтгаанаас болж хойшилсон байна". "Сэжиг бүхий ууттай зүйл олдсон тул "Чингис хаан" нисэх буудлын хамгаалалтын албаныхан даруй арга хэмжээ авч онгоцонд суусан зорчигчдоо буулгаж, ирсэн нислэгийг хоолойд залгаагүй байна" Мөн "тэсрэх бөмбөг аюулгүй болгохоор  “Чингис хаан” онгоцны буудалд одоогоор онц байдал зарлаад байна" гэсэн мэдээлэл тархаад байсан юм. Гэвч энэ бүхнийг холбогдох хүмүүсээс тодруулахад,  ИНЕГ-аас зохион байгуулж байгаа үзүүлэх сургуулилт гэдгийг хэлсэн юм. Харин "Чингис хаан" нисэх онгоцны буудалд ажиллаж байгаа манай сурвалжлагчийн " өглөө ариун цэврийн өрөөнөө сургуулилтад хэрэглэдэг уутанд хийсэн зүйл олдсон" гэх яриа  байгаа талаар мэдээллээ. Удахгүй энэ талаар албаны хүмүүс мэдээлэл өгөх гэнэ. Д.Цэцэг