Тайваны Хүрээлэн буй орчныг хамгаалах албаны сайд Стефен Шен нэгэн уриалга гаргасан нь эрүүл ахуйн сэдвээр маргаан үүсгээд байна. Тэрээр эрчүүдийг бие засахдаа зогсож биш сууж бие засах нь орчныг илүү цэвэр болгоно гэсэн байна. Энэ нь Тайванд өргөн хүрээтэй онлайн маргаан үүсгээд байгаа юм. Албаныхан энэ долоо хоногт орон нутгийн удирдлагуудаас нийтийн бие засах газруудад эрчүүдийг сууж бие засахыг зөвлөсөн санамж хадахыг хүссэн байна. Олон нийтийн цахим сүлжээнүүдээр олон эмэгтэй энэ уриалгыг дэмжсэн бол олон эрчүүд хийж дадсан зүйлээ өөрчлөнө гэдэг хэцүүг хэлж байна. Гэхдээ огт хийж чадахгүй зүйл бол биш гэдгийг тус албаныхан хэлсэн байна. Энэ санаачилга нь Япон, Швед зэрэг улсуудаас туршлага судалж байгаа явдал аж. Мөн тус албаныхан ноён Шен өөрөө энэ санаачилгаа хэрэгжүүлж байгааг баталсан гэнэ. Ц.Мишээлv