Өвөр Монголын Ордос хотноо болсон "Second Ordos International Nadam Fair" наадмын шатрын тэмцээн монголчуудын давамгайлал дор өндөрлөсөн тухай Хятадын "Синьхуа" агентлаг мэдээлэв. Манай шатарчид хувийн болон багийн дүнгээр дийлдэшгүй байжээ. 14 баг оролцсон шатрын тэмцээн гурван хоногийн турш явагдан өндөрлөхөд Монголын баг түрүүлж, БНХАУ-ын Ордос, Хөх хотын багууд удаалсан байна. Хувийн дүнгээр ч манай ФИДЕ-гийн мастер Н.Төвсанаа, олон улсын их мастер Б.Хатанбаатар нар өнгөлж, Ордосын Ли Бо гуравдугаар байрт шалгарав. Ц.Ганбат