Топ модель Д.Болормаагийн дүү Сингапурын “Carrie Model’s” агентлагт ажилладаг Д.Энхсүрэн гэж бүсгүй бий. Загварын ертөнцөд Сүүгий нэрээрээ танил болсон тэрээр нэг хэсэг эгчийнхээ салсан найз залуу болох загвар өмсөгч Ж.Баярсайхантай нэр холбогдож явсан. Гэвч хосуудын үерхэл үнэн худал нь мэдэгдэхгүй шахам байсаар төгсгөл болсон бөгөөд модель бүсгүй өдгөө шинэ дурлалтай учирсан гэнэ. Түүний найз залуу өөрөөс нь арван насаар дүү боловч царайлаг, халамжтай, басхүү нэлээд романтик гэдгийг нь Сүүгий хэдийнэ хүлээн зөвшөөрчээ. Сарын цалингаа 30 мянган ам.доллараас доош буудаггүй гэж мэдэгдсэн тэрээр гоо сайхан, бие галбиртаа ихээхэн анхаарал тавихын зэрэгцээ эдэлж хэрэглэж буй бүхнээ ч бусдаас дээгүүрт байлгахыг эрмэлзэж явдаг болохоо нуугаагүй. “Мөнгөтэй хүн лаагаа ч иднэ үү, луувангаа ч иднэ үү, бусдад хамаагүй” гэдэг шиг модель бүсгүйн сонголт хэн хүнийг алмайруулахгүй нь лав. Р.Есүй