"Чингис хаан" олон улсын нисэх буудлаас өнгөрсөн сарын 24-ний өдөр сэжиг бүхий ууттай зүйл илэрч, тухайн өдрийн өглөөний зарим нислэгүүд хойшилж байсан билээ. Тэрхүү сэжиг бүхий зүйлийг хогийн савнаас олж, илрүүлсэн  Олон улсын бүртгэлийн танхимын үйлчлэгч, “ICO” ХХК-ийн ажилтан Б.Одсүрэнг ИНЕГ-ын даргын тушаалаар баярын бичиг, мөнгөн шагналаар шагнаж урамшуулжээ. Түүнийг өндөр хариуцлагатай, сонор сэрэмжтэй ажилласан, нислэгийн аюулгүй ажиллагааг хангахад оруулсан хувь нэмрийг нь үнэлж ийнхүү шагнасан байна. Д.Цэцэг