Нийтийн дууны ертөнц дэх “Бага Баясгалан” гэх нэр зүүгээд авсан дуучин Э.Чулуунчимэг хамтарч дуулдаг залуутайгаа ханилж буй. Хэдхэн сарын дараа үрийн зулай үнэрлэхээр сэтгэл догдлон суугаа дуучин хос энд тэндхийн тоглолтод хамтдаа дуулж яваа аж. Түүгээр ч үл барам, тун удахгүй болох “Алтан намар” нийтийн дуучдын тоглолтод оролцохоор төлөвлөсөн бөгөөд тэд хайрын дуугаар хамтрах гэнэ. Хос бөгж, адил загварын чамин дээлээр гангарсан дуучин Э.Чулуунчимэг, Б.Болд нар нийтийн дууны ертөнцөөс төрсөн хосуудын тоог ийн нэгээр нэмсэн нь олон хүнийг баярлуулж байгаа гэх. Дуучин бүсгүйн хамтрагч, менежер, нөхөр гээд олон үүрэг гүйцэтгэж яваа залуу дуучин Б.Болд өнгөрсөн намар эхнэрийнхээ гаргасан “Санаандгүй учирсан дурлал” цомог болон анхны бие даасан тоглолтод багагүй хувь нэмэр оруулсан гэдэг юм билээ. Р.Есүй