Монгол Улсын төрийн албан хаагчдын холбооноос өнөөдөр сэтгүүлчдэд хандаж  хэвлэлийн хурал хийлээ. Тус байгууллагаас УИХ-ын өргөдлийн байнгын хороо болон Засгийн газар, төрийн албаны зөвлөлд хандаж ил захидал хүргүүлсэн тухайгаа дуулгалаа.

Уг ил захидлын зорилго нь сүүлийн үед Засгийн газраас Нийтийн албаны тухай хуулийг баталж, төрийн албаны өнөөгийн тогтолцоог үндсээр нь өөрчлөх асуудлыг тавьж байгаа боловч шинэчлэлийн бодлогын мөн чанар нь юу болох, одоогийн төрийн албыг ямар дэвшилтэт хууль зүйн зохицуулалтаар өөрчлөн тодотгох гэж байгаа талаар албан ёсны мэдээлэл авахыг хүсчээ.