БНСУ-ын залуу одод болон Ази тивийн шинэ уран бүтээлчдийн дун дзохиогдсон "Dream team" наадамд залуу Т.Номин буюу Мино амжилттай оролцож, “Азийн шилдэг дүр төрх” номинацийн эзэн болсон билээ. “Хар сарнай” хамтлагийн дуучин С.Амармандахын дүү болох дуучин С.Амарбаясгаланттай хамт буриад ардын “Хатариш” дууг сонирхлтой байдлаар амилуулсан тэрбээр ийнхүү эх орноо төлөөлж, дүр төрхөө онцолсон юм. Азийн нэр хүндтэй наадамд Мапайз, Сингапур, Тайвань, Энэтхэг, Хятад, Япон орны шинэ залуу уран бүтээлчидтэй өрсөлдсөн бүхий л төрлийн шалгаруулалтад оролцсон гэдэг. Царайлаг, авьяаслаг дуучин Миног урьд нь “New Face-2006” наадмын “Шилдэг фото модель” өргөмжлөл хүртсэн төдийгүй “Sound of Kiss” хамтлагт байсан гэдгээр нь хүмүүс мэддэг. Харин сүүлийн үед “Монос” компанийн “Сарнай” гоо сайхны бүтээгдэхүүн сурталчилж, бие даасан уран бүтээлээ амжилттай хийж яваа дуучин маань тун удахгүй сүйт бүсгүй болох гэж байгаа сурагтай. Түүнийг сонирхож, хайрласан залуусын урмыг хугалан байж Мино “Надад үерхдэг залуу бий. Удахгүй сүй тавьж, гэр бүлийн амьдралаа зохиох тухайд анхаарна” гэжээ. Юутай ч, урлагийн тайзан дээр цоглог залуутай хамт бүжиж “Хатариш” хийсэн Мино нэлээд хөрөнгөтэй айлын бэр болох гэж буй юм билээ. Р.Есүй