УИХ дахь МАХН-МҮАН-ын “Шударга ёс” эвслийн  бүлгийн хуралдааны дараа  тус бүлгийн дарга Н.Батцэрэг сэтгүүлчдэд мэдээлэл хийлээ. “Шударга ёс” эвсэл бүлгийн хуралдаанаараа шинэчлэлийн Засгийн газрын мөрийн хөтөлбөрийн талаар хэлэлцсэн байна. Тухайлбал, тус бүлгийн сонгуулийн  мөрийн хөтөлбөрөөс шинэчлэлийн Засгийн газрын мөрийн хөтөлбөрт  туссан зүйл заалтыг нэг бүрчлэн хэлэлцжээ. Түүнчлэн Орон нутгийн сонгуулийн тухай хуулийн төслийн талаар ч гишүүд санал солилцсон байна. Мөн Эвслийн засагт МҮАН-аас орж ажиллах  дэд сайдуудад  тус намын гишүүн  Б.Цогтгэрэл, Ж.Батхуяг нарын нэрийг дэвшүүлэхээр болсныг дуулгалаа. Тэднийг улс төрийн чиглэлээр олон жил ажилласан туршлагатай. Гадаад дотоодод их, дээд сургууль төгссөн чадварлаг боловсон хүчин  гэсэн үндэслэлээр  сонгосон гэсэн тайлбарыг хийлээ.  Бүлгийн даргын хэлэхээр “Шударга ёс” эвслээс мөрийн хөтөлбөртөө тусгасан   зүйлээс түрүүчээсээ хэрэгжиж эхэлсэн гэдгийг онцоллоо. Тодруулбал, өндөр хатуулгатай архинд оногдуулах татварыг нэмэгдүүлэхээр мөрийн хөтөлбөрт тусгасан  нь өдгөө биелэлээ олсон гэл ээ. Н.Түвшин