Бээжингийн их сургуульд сурахаар төлөвлөж, бизнесийн ажлаа хэсэг хугацаанд хойш тавихаар шийдсэн дуучин бүсгүй Сингапурыг зорьжээ. Далайн эргээр зугаалж, наранд биеэ шараад л байгалийн үзэсгэлэнт газруудаар зугаалж яваа түүний сонирхолтой зургууд фэйсбүүк хуудсанд нь тавигдсан аж. Өөрийн нэртэй брэнд хувцас, сүрчиг гарган загварын ертөнцөд “Ану” нэрийг мөнхлөхөөр зэхэж буй тэрээр нэгэн шинэ дуучны продюссерээр ажиллаж байгаа юм билээ. Их ажлын өмнөх амралтаа ийн харийн оронд өнгөрүүлж яваа Ану тун удахгүй эх орондоо ирэх бөгөөд бизнесээ өргөжүүлэх төлөвлөгөөгөө дүүдээ даатгаж буй гэнэ. Р.Есүй