Энэ зуны дуулианы нэг яах аргагүй “Харуй бүрий” киноны од Кристен Стюарт байсан гэхэд буруудахгүй. “Цасангоо ба анчин” кинонд хамтран ажилласан найруулагчтайгаа холбогдож, “цус сорогч” найз залуугаа гомдоосон Кристен удаан хугацааны турш олны нүднээс бултсан ч Торонтогийн Кино Фестивальд очсон юм. Тэрээр энэ наадмыг удаан хүлээсэн, алдаж боломгүй чухал арга хэмжээ хэмээн үнэлсэн бөгөөд удахгүй болох “Харуй бүрий” киноны сүүлийн ангийн нээлтэн дээр одоо тусдаа байгаа найз залуу Роберт Паттинсонтой хамт байхад асуудалгүй. Бид хэвийн байх болно гэжээ. Ц.Мишээл